寵物零食唔係必需品，點解要俾毛孩食？

HOME >> BLOG >> 毛孩資訊 >> 本篇文章

唔少主人對於 寵物零食 都有疑問，人食得多零食都冇益啦，到底應唔應該俾毛孩食零食呢？擔心為食毛孩食咗變得嘴刁，食多咗又怕佢哋唔食正餐，最怕嘅，就梗係驚影響毛孩嘅健康啦。到底點解要俾 寵物零食 狗狗呢，今次 9SERIESHK 整理咗一啲揀選 寵物零食 嘅考慮因素，毛孩家長們一齊睇吓啦！

寵物零食 對狗狗有乜作用？

寵物零食 並唔係毛孩生活嘅必需品，但其實對狗狗有「建立關係」、「舒緩壓力」同「補充營養」三大作用㗎：

1. 建立主人同毛孩嘅關係

要同狗狗好好咁相處，最重要梗係主人同狗狗有良好嘅溝通啦，但狗狗剩係聽得明簡單字詞，有時真係「阿崩叫狗」㗎，但好似人與人之間相處咁，拒絕體罰打罵方式，先可以建立到主人同毛孩嘅互相信賴關係。花多啲時間俾毛孩，每當做得啱嘅時候得到讚賞，佢哋就會回應呢段關係㗎喇。

2. 舒緩狗狗日常壓力

喺狗狗苦苦等待你返屋企，到終於見到你嘅時候，係唔係搖尾搖到甩咁濟呢？點可以唔慰勞吓佢呢。除此之外，幼犬嘅行為管教同訓練，相信唔少新手主人都經常煩惱。喺訓練狗狗學習新指令，或者減少壞習慣嘅時候，除咗主人容易勞氣，狗狗都積聚咗唔少壓力同負面情緒㗎！其實寵物零食除咗日常小食，仲可以配合 Positive training 對毛孩進行糾正行為或者訓練技能，喺佢做啱嘅時候大大獎勵吓，咁佢嘅記憶就更加深，學習更有效啦！

3. 補充日常缺乏嘅營養

近年唔少主人因為發現乾糧不足嘅地方，而選擇為愛寵準備鮮食作為主食，減少如原材料有冇選用動物副產品、碳水化合物含量過高、化學成份添加營養種種擔憂。為愛寵準備鮮食自然可以避免呢個憂慮啦，但鮮食往往需要額外提供營養補充品俾毛孩，好似微量元素、鈣質、骨膠原等等，為毛孩揀選合適嘅寵物零食，亦可以為佢哋補充日常飲食欠缺嘅營養，令飲食更加均衡㗎。

寵物零食 點揀好？

揀選零食俾毛孩，首先要考慮毛孩嘅身體狀況、年齡、俾毛孩嘅時機等等，例如：

身體狀況

揀零食當然要考慮毛孩嘅健康先啦，其中毛孩有冇食物敏感最為重要，敏感有機會引起各種身體問題㗎。如果怕毛孩出現肥胖問題，就應該揀選低卡路里，例如比較低脂嘅肉類零食，如果毛孩需要吸收多啲蛋白質，就以魚類或者肉類作為考慮。另外，對於胃口較細嘅毛孩，仲要留意返控制份量㗎。

毛孩年齡

假如毛孩年紀比較大，家長亦要留意返毛孩身體嘅各種指數以及牙齒健康，而喺揀選寵物零食嘅時候就要留意返零食嘅營養、口感硬唔硬、大細等等，避免對身體做成負擔。

俾毛孩嘅時機

家長給予寵物零食嘅時候，應該預先計劃好，如果係訓練狗狗時嘅獎勵，喺狗狗做啱咗就應該立即獎勵，等佢知道做得啱，另外盡量避免同日常零食一樣，最好俾份量較少，容易攜帶嘅零食，而耐咬啲嘅潔齒零食，最好就係家長陪住嘅時候俾毛孩啦。

俾零食狗狗有咩要注意？

獎勵零食俾狗狗，想佢哋開心（家長少個煩惱）都係主要原因，但都唔可以求其㗎，要注意：

揀選健康 寵物零食

想毛孩食得健康，零食緊係要小心揀選啦，記得要留意零食有冇味精、防腐劑等添加劑，最好就係揀天然、健康、無添加嘅寵物零食，避免影響毛孩健康，對身體做成負擔。

適時適量，陪伴毛孩身旁

無論係幾時俾，定係俾幾多都要注意㗎，由於寵物訓練往往需要重複又重複嘅練習，最好獎勵較少份量嘅零食以免毛孩食得太飽而影響正餐進食習慣；如果係日常慰勞、毛孩太可愛、舒緩獨自喺屋企嘅壓力，亦應該揀選尺寸較細嘅零食避免佢哋哽親㗎，市面上都有多種益智寵物玩具可以配合零食使用；而潔齒零食由於一般尺寸較長或大件，避免狗狗為食直接吞食，家長們記得要陪伴喺毛孩身邊看管呀。

毛孩家長最緊張嘅，就梗係毛孩嘅健康啦，其實寵物零食亦可以成為毛孩生活開心嘅一部分，如果為揀選寵物零食而感到煩惱，咁就記得睇吓 9SERIESHK 嘅風乾寵物零食喇，各種風乾零食採用低溫風乾製作，每款都係天然、健康、無添加㗎，原汁原味保留食材天然營養！

*唔同毛孩嘅體質及所需嘅營養各有不同，如果有疑慮記住要向專業獸醫查詢喇。

---

---