關注毛孩身心靈｜ 寵物CBD 滴劑

HOME >> BLOG >> 毛孩資訊 >> 本篇文章

或者你已經喺唔同嘅地方聽過 CBD，對佢唔會感到陌生，但係你又知唔知道，其實毛孩都可以有屬於佢哋嘅 寵物CBD 呢？近年歐美地區將 CBD 應用喺毛孩身上，面對毛孩受到焦慮、壓力、抑鬱、癲癇、關節、疼痛、皮膚問題、癌症腫瘤等各種困擾，唔少嘅毛孩家長選擇以 寵物CBD 為毛孩舒緩。為毛孩揀選 寵物CBD 產品之前，不如了解咗 CBD 嘅作用先，CBD SERIES 會喺度整理有關資訊，立即睇吓 CBD新手指南。

常見毛孩問題？

唔少研究都指出毛孩好聰明，一般認為佢哋有人類小朋友程度嘅智商(按品種有差異)，有自己嘅思想同感情。雖然毛孩真係好聰明，但毛孩有毛病嘅時候，始終冇辦法開口表達心底話，一定要靠毛孩家長留意住佢哋嘅行為、習慣有冇變化，要記住：「毛孩的世界只有你」。

• 寵物壓力困擾

有冇試過工作壓力大，返工好似抖唔到氣咁？其實除咗人類會有壓力，寵物都一樣會有壓力㗎，狗狗對於環境、聲音都好敏感。一啲突如其來嘅聲音如：人類聽慣嘅開門聲、樓上無間斷拉枱櫈、門外有人講嘢⋯⋯各種日常噪音，對毛孩嚟講都係刺激，吠叫主要成因係狗狗想警告入侵者、獲得主人讚賞、趕走噪音來源，亦係佢哋嘅天性，但喺香港居住環境細，密度又高，狗狗長期吠叫當然唔係家長希望發生，仲驚會對鄰居造成滋擾，就算吠叫會被家長制止，壓力亦會逐漸積聚。一般嘅壓力隨住時間會慢慢舒緩，但如果唔正視問題處理，長遠有機會對毛孩嘅心理同生理造成影響。

• 分離焦慮

毛孩總係好黐身？只要你一出屋企門口(或者只係去廁所)，毛孩害怕獨處，開始不安、悲嗚、喪吠以至抓門等等行為，每次出門嘅時候聽到呢啲聲真係又傷心又擔心，令家長同毛孩同時出現分離焦慮症狀。最鍾意陪伴家長身旁，但無奈每日要獨留在家，不安導致出現情緒同焦慮問題，仲有機會出現亂咁大小便、破壞屋企物品、舔或咬自己手腳㖭。

• 身體受年老、疾病影響

面對住毛孩嘅年齡增長，活動能力、身體機能逐漸變差，從前跑跑跳跳、活潑好動嘅行為減少。或者受到疾病所影響，癲癇症狀、關節疼痛、食慾減退種種情況，相信係每個毛孩家長最唔想見到嘅情景。但即使不幸遇到，都唔好輕易放棄，我哋亦希望喺度寄語毛孩家長或者想養寵物嘅你，「毛孩是家人」，除咗提供適當嘅治療，家長嘅關懷亦係毛孩最大最重要嘅動力。

寵物CBD 如何發揮作用？

其實喺毛孩同人類身體入面，一樣擁有 Endocannabinoid System (ECS) 同受體，而 ECS系統就同睡眠質素、壓力、疼痛和炎症問題等息息相關，可以透過調節體內平衡，從而影響毛孩管理情緒、發炎、疼痛感嘅機能。（想了解多啲？立即瀏覽《CBD 新手指南｜CBD 如何發揮作用?》）

寵物CBD 如何幫助毛孩？

除咗人類可以使用 CBD 舒緩各種症狀、提高生活質素之外， 寵物CBD 亦可以為毛孩嘅健康提供幫助，作為家長，自然想為心愛嘅毛孩減輕負擔啦。近年歐美地區亦慢慢將 CBD 應用喺毛孩身上，以達至舒緩各種毛孩症狀嘅目的：

• 消炎止痛

• 舒緩情緒問題

• 天然抗氧化

---

想為毛孩揀選第一份 寵物CBD 產品?立即到 CBD SERIES！

CBD SERIES 除咗有美國生產進口嘅 CBD 滴劑，亦有為專為毛孩而設嘅【寵物配方】CBD 滴劑，不含類固醇，產品經過第三方實驗室測試，無THC、精神活性成分，仲有骨膠原配方，毛孩家長們不妨了解一下。

其實 CBD 喺日常生活入面並唔罕見，近年香港已經引入咗唔少 CBD 產品(食品、護膚、飲品)，CBD 產品普遍被認定為安全、天然、無精神活性成性嘅保健成分，世界衛生組織（WHO）亦於2018年一份關於 CBD 嘅報告入面指出「目前沒有發現任何與使用CBD而引致的濫用或做成上癮有關的個案，亦沒有發現任何與使用 CBD 相關的公共健康問題。」如果你對 CBD 感到興趣，記得留意住 CBD SERIES 喇，我哋會繼續更新有關資訊，希望可以釋除你對於 CBD 嘅疑慮。

*本文內容只供參考，並不針對任何人士或動物的健康狀況及體質，亦不供作診斷、治療或預防任何疾病之用。如有疑慮請向專業醫生查詢。

相關資料：
[1] 世界衛生組織有關CBD報告 (CANNABIDIOL (CBD) Critical Review Report)

---

---