ABOUT US

---

HOME >> ABOUT US

「你的世界很大，但你是毛孩的全世界」

愛毛孩，為毛孩揀選更優質的 寵物零食。

---

OUR STORY

---

Better Treat

點先可以叫做Better Treat？好嘅零食應該要知道用乜嘢材料去製作，用肉眼就分辨到嘅肉乾可以話係最簡單、最直接。毛孩唔識用人類嘅語言表達，作為家長嘅我哋就有責任為毛孩子揀選合適嘅食物。坊間有句說話「人類食嘅嘢千祈唔好俾毛孩食」，因為人嘅食物大多都有調味同添加劑，但其實以上句子並唔全面㗎，我哋認為「人唔食嘅嘢，更加唔好俾毛孩食，無添加唔等於冇味道，天然嘅味道其實更吸引、更健康」。

點解為毛孩揀選全天然同無添加嘅零食咁重要? 當人類都追求健康、有機嘅食品，唔想將大量調味料同防腐劑食落肚，作為毛孩家長又點可以將唔健康嘅食物俾我哋嘅毛孩食呢?

Treat Better

點解Treat Better咁重要？ 照顧毛孩係一生嘅承諾，當毛孩處於成長、學習階段，同樣係家長們嘅學習時期，好似面對毛孩各種習慣(例如挑食、異食、護食、玩咬各種行為)都要特別留意，一唔小心就好容易會出現各種壞習慣、行為，而大部分都係家長唔希望出現，需要盡早糾正。

開始製作風乾 寵物零食，因為店長非常活潑好動(aka 百厭)，亦搵過唔少Dog Trainer 幫手。喺進行寵物行為訓練嘅時候，經常要用到零食作為誘導，從而達至我地對毛孩嘅期望，當佢哋做啱咗嘅時候更加需要獎勵啦！喺接觸多咗品牌寵物零食之後，就擔心零食雖然味道濃郁，但味精一樣咁濃郁，所以決定親自製作天然、無添加嘅風乾寵物零食。其實毛孩對食物都有期望㗎，訓練時為不同獎勵定好 value，毛孩自然會希望得到價值較高嘅零食啦，拒絕打罵體罰方式，先可以建立到家長同毛孩互相信賴嘅關係。

愛毛孩・為毛孩揀選健康的 寵物零食

寵物零食 並非毛孩生活嘅必需品，但對於建立家長同毛孩之間嘅關係同溝通亦大有幫助，除咗日常補充營養，亦可以作為透過獎勵小食配合 Positive training 對毛孩進行糾正行為或者訓練技能，同時減輕訓練 / 日常護理(剪指甲，沖涼) 帶嚟嘅焦慮、壓力同負面情緒。

❌ 拒絕打罵體罰方式，先可以建立到家長同毛孩互相信賴嘅關係。

---

9 SERIES HK
📍香港註冊公司
💛愛毛孩，為毛孩揀選健康的寵物零食
☘️全天然｜無添加｜香港製造
人類食用級數食材，低溫風乾保存食材營養

9 SERIES HK Dehydrated Pet Treat
BETTER TREAT・TREAT BETTER
Natural │ No Additives │ Made in HK